Fenugreek Seeds Health Benefits In Telugu

prassu — Mon, 18 Nov 2024 05:17:38 +0000

Fenugreek Seeds Health Benefits:

Fenugreek seeds ను తెలుగులో మెంతులు లేదా మెంతి గింజలు అని పిలుస్తారు. సాధారణంగా మన ఇంట్లో పోపుల పెట్టెలో మెంతులు(Fenugreek Seeds ) తప్పకుండా ఉంటాయి.

మెంతులను మనం ప్రతి రోజు ఏదో ఒక వంటలో కచ్చితంగా వాడుతూనే ఉంటాము.

పొడిగా చేసి లేదా గింజలుగా ఊరగాయల్లో, చారు, పులుసు, పోపులు, దోశలలో రుచిని పెంచడానికి ఉపయోగిస్తారు. మెంతులు (Menthulu) రుచిని పెంచడమే కాదు మనకి ఆరోగ్యాన్ని కూడా ఇస్తాయి.

మెంతులలో చాలా ఔషధ గుణాలు ఉన్నాయి.ఆయుర్వేదంలో మెంతులను ఎన్నో శతాబ్దాలుగా ఔషధంగా వాడుతున్నారు. వీటిలో ఫోలిక్‌ యాసిడ్‌, కాపర్‌, పొటాషియం(K), క్యాల్షియం(Ca), ఐరన్‌, మాంగనీస్‌ వంటి ఖనిజాలు, విటమిన్లు A, B6, C, K ఉన్నాయి. ఈ పోషకాలు మన శరీరానికి చాలా అవసరం.

Fenugreek Seeds చాలా ఆరోగ్య సమస్యలను తగ్గిస్తాయి. ముఖ్యంగా ఈ మెంతులు డయాబెటిస్(మధుమేహం ) తగ్గించడానికి వాడతారు. ఇంకా పీరియడ్స్ సమయంలో వచ్చే నొప్పులను కూడా తగ్గేలా చేస్తాయి. ఇంకా ఈ మెంతులు బరువు తగ్గడానికి కూడా ఉపయోగపడతాయి.మెంతులను పాలిచ్చే తల్లులలో పాల ఉత్పత్తిని పెంచడంలో కూడా ప్రముఖంగా ఉపయోగిస్తారు. అందుకే ఈ మెంతులను మన రోజు వారి ఆహారంలో చేర్చుకోవడం వలన మనకి చాలా ఆరోగ్య ప్రయోజనాలు ఉన్నాయి.

100 గ్రాముల మెంతి గింజలలో ఉండే పోషకాలు

పోషక పదార్థం	విలువ
కేలోరీస్	323 kcal
ప్రోటీన్	23.0 g
కొవ్వులు	6.41 g
కార్బోహైడ్రేట్స్	58.35 g
ఫైబర్	25.0 g
సోలuble ఫైబర్	4.0 g
విటమిన్ A	0 IU
విటమిన్ C	3.0 mg
విటమిన్ B6	0.6 mg
ఫోలేట్	57 μg
క్యాల్షియం	176 mg
ఐరన్	3.7 mg
మాగ్నీషియం	191 mg
ఫాస్ఫరస్	296 mg
పోటాషియం	770 mg
జింక్	2.5 mg
కాపర్	0.64 mg
మాంగనీస్	1.2 mg

5 Best Health Benefits of Fenugreek Seeds

మెంతులను నానబెట్టి తీసుకుంటే మరిన్ని ఆరోగ్య ప్రయోజనాలను పొందవచ్చు.

1. చక్కెర వ్యాధికి మెంతులే మందు

మన ముందు తరాల వారు మందులు లేని సమయంలో చక్కెర వ్యాధికి ఈ మెంతులని ఔషధం లాగా వాడుకునే వారు. ఇప్పుడు మాత్రం మెంతులు చక్కర వ్యాధిని తగ్గిస్తాయని శాస్త్రీయంగా రుజువు చేయబడింది. మన హైదరాబాదులోనే ఒక ప్రముఖ హాస్పిటల్ లో డాక్టర్స్ బృందం ఈ మెంతులను పరిశోధించి ఇవి చక్కర వ్యాధిని తగ్గిస్తాయని నిరూపించారు. అందువలనన చాలామంది మెంతులను చక్కెర వ్యాధి తగ్గిస్తుందని నమ్ముతున్నారు.

రోజు ఒక టీ స్పూన్ మెంతులను తీసుకొని నానబెట్టి ఆ వాటర్ ని తాగడం వలన మనకి షుగర్ లెవెల్స్ తగ్గుతాయి. శరీరంలోని గ్లూకోస్ ని బ్యాలెన్స్ చేసి మధుమేహాన్ని (డయాబెటిస్) నియంత్రించడానికి సహాయపడతాయి. ఇం.కా మెంతులను నానబెట్టి తర్వాత వాటిని మొలకలు పట్టి ఉదయం లేవగానే బ్రేక్ ఫాస్ట్ లో తిన్నట్లయితే డయాబెటిస్ ఉన్నవారికి చాలా ఉపయోగం ఉంటుంది. ఈ మొలకెత్తిన మెంతులు చాలా చేదుగా ఉంటాయి. కొంచెం కన్నా ఎక్కువ తినలేము. ఎక్కువగా తింటే షుగర్ వ్యాధికి మందు లాగా పని చేస్తుంది. ఇది ఇన్సులిన్ రెసిస్టెన్స్ ని తగ్గిస్తుంది.

మెంతి వాటర్ తీసుకోవడం వలన మన జీర్ణవ్యవస్థ శుభ్రం అవుతుంది. ఇలా చేయడం వలన మలబద్ధకం సమస్య తగ్గి అజీర్తి సమస్య కూడా తగ్గుతుంది

2. అధిక బరువు నియంత్రించడం

సాధారణంగా మనం బరువు ఎందుకు పెరుగుతామంటే మనం అవసరమైన దానికన్నా ఎక్కువగా తినడం వల్ల. ఆకలి ఎక్కువ వేయడం వలన మనం ఎక్కువగా తింటాం. ఇక ఆకలని తగ్గించాలంటే ఈ మెంతి వాటిని తప్పకుండా తాగాలి. మెంతి వాటర్ తాగడం వలన మనం మన ఆకలిని తగ్గిస్తాం. మెంతి వాటర్ లో సాలిబుల్ ఫైబర్స్ ఉంటాయి. ఇవి మన శరీరంలోకి వెళ్ళినప్పుడు అవి వ్యాకోచం చెంది మన కడుపు చాలా నిండుగా అనిపిస్తుంది. అందువలన ఆకలి తగ్గడం వలన తక్కువగా కూడా తింటాం. బరువు తగ్గడానికి((Weight Loss) అవకాశం కలుగుతుంది. ఇంకా చెప్పాలంటే ఈ ఫైబర్ వల్ల మలబద్ధకం సమస్య తగ్గుతుంది.

3. పాల ఉత్పత్తిని పెంచడం

ఈ మెంతులను గర్భిణీ స్త్రీలు తీసుకోవడం వలన ఎన్ని ఉపయోగాలు తెలిస్తే అసలు వదిలిపెట్టరు. ఈ మెంతులను గర్భిణీ స్త్రీలు తీసుకోవాలని ప్రసవం చాలా సులభతరం అవుతుంది. పిల్లలు పుట్టిన తర్వాత కూడా వీటిని తీసుకోవడం వలన పాల ఉత్పత్తి పెరుగుతుంది. ఇంకా గర్భాశయంలో ఎలాంటి వ్యాధులు ఉన్నా కూడా, బహిష్టు సమయంలో వచ్చే నొప్పులను ఇది నివారిస్తుంది.

మహిళల్లో హార్మోన్స్ ఇంబ్యాలెన్స్ వలన చాలా ప్రాబ్లమ్స్ వస్తూ ఉంటాయి. మెంతులు హార్మోన్స్ ని బ్యాలెన్స్ చేసి పీరియడ్స్ ప్రాబ్లం, మోనోపోజ్ సింప్టమ్స్ కూడా తగ్గిస్తాయి.

4. అందానికి మెంతులు

మెంతులను మనం ఆహారంగా తీసుకున్నట్లయితే మన శరీరంలో రక్తప్రసరణ బాగా జరిగి మన చర్మం కాంతివంతంగా తయారవుతుంది. చర్మం మీద ఏవైనా మచ్చలు ఉన్నట్లయితే అవి మొత్తం తగ్గిపోతాయి.

ఈ మెంతులను పిండిగా చేసి జుట్టుకి ప్యాక్ లాగా వేసుకోవడం వల్ల జుట్టు బాగా పెరుగుతుంది.జుట్టులో చుండ్రు మరియు ఏవైనా ఇన్ఫెక్షన్స్ ఉన్నా కూడా తగ్గిపోతాయి. మెంతి పిండిని, పెరుగు మరియు నిమ్మరసం కలిపి మనం జుట్టుకి లేపనంగా వేసుకున్నట్లయితే మన జుట్టు కుదుళ్ల దగ్గర ఏవైనా సమస్యలు ఉన్నా ఏవైనా పొక్కులు ఉన్నా కూడా అన్ని తగ్గిపోయి జుట్టు ఆరోగ్యంగా పెరగడానికి ఉపయోగపడతాయి. ఈ ప్యాక్ వేసుకున్న తర్వాత ఒక గంట సేపు అయ్యాక తలస్నానం చేస్తే మన చుట్టూ మిల మిల మెరిసిపోతుంది.

5. కోలెస్ట్రాల్‌ను నియంత్రించడం

మెంతులను కోలెస్ట్రాల్‌ను నియంత్రించడంలో ఉపయోగపడతాయి. ఇందులోని సోల్యూబుల్ ఫైబర్ చెడు కొలెస్ట్రాల్ (LDL) ను తగ్గించి, మంచి కొలెస్ట్రాల్ (HDL) ను పెంచడంలో ఉపయోగపడుతుంది. నానబెట్టిన మెంతులు జీర్ణక్రియను మెరుగుపరిచి, రక్తంలోని కొలెస్ట్రాల్ స్థాయిలను సమతుల్యం చేస్తాయి. ఇవి హృదయ ఆరోగ్యం కాపాడటానికి కూడా కీలక పాత్ర పోషిస్తాయి. ప్రతిరోజూ మెంతులు తీసుకోవడం వల్ల కోలెస్ట్రాల్‌ను క్రమబద్ధీకరించుకోవచ్చు.

నానబెట్టిన మెంతులు సాధారణ మెంతులతో పోలిస్తే ఇంకా ఎక్కువ ప్రయోజనాలను అందిస్తాయి. వాటిలో ఉండే పోషకాలు మరియు ఔషధ గుణాలు ఆరోగ్యానికి చాలా ఉపయోగకరమైనవి. ఇప్పుడు ఈ అద్భుతమైన మెంతులను మీ ఆహారంలో చేర్చుకొని, ఆరోగ్యంగా ఉండడానికి మేలు చేసుకోండి!

Frequently Asked Questions:

1. Menthulu ఆరోగ్యానికి ఎలా ఉపయోగపడతాయి?

జీర్ణవ్యవస్థను మెరుగుపరచడం, రక్తపోటును నియంత్రించడం, చర్మాన్ని ఆరోగ్యంగా ఉంచడం, కొలెస్ట్రాల్‌ ను క్రమబద్ధీకరించడం, బరువు తగ్గించడంలో సహాయపడతాయి.

2. ఇంకా ఏ గింజలలో మెంతి గింజల లాంటి ప్రయోజనాలు ఉన్నాయి?

Sesame , Flax సీడ్స్ కూడా మెంతి గింజల లాగా ఆరోగ్యానికి మంచి ప్రయోజనాలను అందిస్తాయి.

3. నానబెట్టిన మెంతులను ఎందుకు తీసుకోవాలి?

మెంతులను నానబెట్టడం వలన వాటిలోని పోషకాలు రెట్టింపు అవుతాయి. ఇవి రక్తం లోని చెడు కొలెస్ట్రాల్ని తగ్గిస్తాయి.

4. మెంతి గర్భిణీ స్త్రీలు పాలిచ్చే సమయంలో తీసుకోవచ్చా?

పాల ఉత్పత్తిని పెంచడానికి గర్భిణీ స్త్రీలు ఈ మెంతులను తీసుకుంటారు. ఇవి తల్లి ఆరోగ్యాన్ని మెరుగుపరుస్తుంది.

5. డయాబెటిస్ పేషెంట్స్ మెంతులను ఎలా తీసుకుంటే మంచిది?

ప్రతిరోజు ఉదయాన్నే పరిగడుపున మెంతి వాటర్ ని తీసుకోవడం వల్ల షుగర్ని బ్యాలెన్స్ చేసుకోవచ్చు.

6. సాధారణంగా ఎవరైనా మెంతులను ఎలా తీసుకోవాలి?

రాత్రి పడుకునే ముందు ఒకటి నుండి రెండు స్పూన్ల మెంతులను నానబెట్టి ఉదయం ఆ గింజలను తీసుకోవడం చాలా మంచిది. అలా కాకుండా మెంతి గింజలను పొడిగా చేసి కూడా తీసుకోవచ్చు.

7. బరువు తగ్గడానికి మెంతులు ఉపయోగపడతాయా?

అవును. మెంతి గింజ ఆకలిని తగ్గించి, మేటబాలిజం ను వేగవంతం చేసి బరువు తగ్గించడంలో సహాయపడతాయి.

8. మెంతి గింజల పొడిని చర్మానికి వాడవచ్చా?

మెంతి గింజల పొడిని చర్మానికి వాడకూడదు. ఒకటి స్పూన్ మెంతి గింజల పొడిని ఒక గ్లాసు వాటర్ లో కలిపి రోజు తాగడం వలన చర్మ సమస్యలు దూరం అవుతాయి.

9. రక్తపోటు తగ్గించడంలో సహాయపడతాయా?

అవును. రక్తపోటు నియంత్రణలో సహాయపడతాయి. ఇవి రక్తంలో కొలెస్ట్రాల్‌ను తగ్గించి, హైపర్‌టెన్షన్‌ను క్రమబద్ధీకరించడంలో ఉపయోగపడతాయి.

10. ఎన్ని రోజులు మెంతులు తీసుకోవాలి?

నానబెట్టిన మెంతులను ప్రతి రోజు ఉదయం తీసుకోవడం మంచిది. మీరు కనీసం 2 నుండి 3 వారాల పాటు తీసుకోవడం వల్ల ఫలితాలను పొంద వచ్చును.

11. పురుషులకి మరియు మహిళలకు ఉపయోగపడతాయా?

అవును. Menthulu పురుషులకి, మహిళలకు సమానంగా ఉపయోగపడతాయి. ఇవి హార్మోన్ల బ్యాలెన్స్‌ చేసి ఆరోగ్యాన్ని కాపాడటానికి సహాయపడతాయి.

Conclusion

ప్రకృతిలో లభించే ఆహారాలు అన్ని కూడా ఔషధాలే. వాటి యొక్క ఔషధ గుణాలు తెలుసుకొని ఏ వ్యాధులకు ఏమి సరిపోతాయో వాటిని వాడినట్లయితే వాటి వల్ల మనం ప్రయోజనం పొందుతాము. ఈ మెంతులు డయాబెటిస్ ఉన్నవారు ప్రతిరోజు తినవచ్చు ఇంజక్షన్ వేసుకునే వారు కూడా వీటిని నిత్యం వాడుకోవచ్చు. దీని వలన చక్కెర వ్యాధి తగ్గుతుందని శాస్త్రీయంగా నిరూపించారు. ఈ మందులు చూడ్డానికి చాలా చిన్నగా కనిపించినా కూడా ఒక టీ స్పూన్ మెంతులు కూడా మనకి చాలా బలానిస్తాయి.

fenugreek seeds uses